Beth yw Menter Iaith Maelor?

· Menter gymunedol i godi ymwybyddiaeth o’r Gymraeg a datblygu’r defnydd o’r iaith yn Sir Wrecsam.

· Menter sy’n gweithredu drwy’r sir i gyd, nid yn nhref Wrecsam yn unig.

· Cefnogir y Fenter gan Fwrdd yr Iaith Gymraeg a gan Gyngor Bwrdeistref Sirol Wrecsam.

· Mae’n dangos y manteision addysgol, personol a chymdeithasol o fod yn ddwyieithog.

Dwy iaith - dwy waith y dewis

Pam fod angen Menter Iaith Maelor?

· Mae dros 28,000 o bobl Sir Wrecsam yn siarad Cymraeg neu â rhyw fedr ynddi. Ac mae llawer ohonynt dan 19 oed.

· Mae un o bob deg o ddisgyblion ysgol y sir yn derbyn addysg Gymraeg ac mae gweddill disgyblion uwchradd y sir yn dysgu’r Gymraeg fel ail iaith.

· Mae llawer o sefydliadau yn gweithredu drwy gyfrwng y Gymraeg a nod y Fenter fydd i gydlynu’r ddarpariaeth.

Beth mae Menter Iaith Maelor yn ei wneud?

· Trefnu gweithgareddau sydd yn rhoi cyfle i rai o bob oed ddefnyddio’r Gymraeg yn gymdeithasol.

· Dod â mudiadau at ei gilydd i godi proffil yr iaith Gymraeg.

· Annog cyrff cyhoeddus a busnesau i ddefnyddio’r Gymraeg, a chymell Cymry Cymraeg a dysgwyr i ddefnyddio’r gwasanaeth.

· Gweithredu fel canolfan wybodaeth am weithgareddau trwy gyfrwng y Gymraeg yn ardal Wrecsam.